For bodi, President Bola Tinubu don approve 50% cut for transport money for luxurious buses wey dey travel from state to state for Nigeria during dis yuletide time. Same way, Nigerians go dey enjoy 100% discount or free ride for train. Chairman of di Inter-Ministerial Committee on Presidential Intervention, Dele Alake, talk am today for Presidential Villa, Abuja. Dem talk say dis special presidential package go start from December 21, 2023, reach January 4, 2024, and e go cover 22 different routes wey dem do with luxury bus unions.

Minister of Solid Minerals talk say security agencies don get order to provide tight security across di whole country.