Edo Governorship Election Petitions Tribunal don confirm say Senator Monday Okpebholo na di rightful winner of Edo State governorship election.

Di tribunal dismiss di petition wey PDP and dia candidate, Asue Ighodalo, carry come, say e no get merit. Dem talk say di petitioners base dia case on hearsay and dem no even call important witnesses like polling unit officers.

Di three-man panel, wey Justice Wilfred Kpochi lead, still throway another petition wey Action Alliance and dia candidate, Adekunle Omoaje, file. Dem say di case no get head, because Omoaje no even contest di election, so e no fit challenge di result.

Finally, di tribunal confirm say Okpebholo election dey valid and e follow di law.

READ MORE RECENT NEWS HERE https://naija102.com/federal-government-don-order-make-dem-open-independence-bridge-back/