Six people dey miss and dem dey assume say dem don die afta one container ship hit di landmark Francis Scott Key Bridge for di US city of Baltimore.

Di Singapore-flagged container ship, Dali, bin hit one support column for di 47-year-old bridge around 05:30 GMT, wey cause di bridge to collapse.

Plenty motor vehicles bin dey cross di bridge, wey be more than 2.6km long, when e collapse.

Officials talk say di ship get one “power issue” and dem send distress call just before di crash.

Rear Admiral Shannon Gilreath of di US Coast Guard talk for evening say dem don stop di search and start recovery effort. Di missing people dey assume dead based on di temperature of di water wey dem fall inside and di time wey dem don spend inside di water.