President Bola Ahmed Tinubu don return to Nigeria after hin spend four weeks for Europe on top wetin the Presidency describe as working vacation.

The presidential aircraft land for the Presidential Wing of Murtala Muhammed International Airport, Lagos, around 6:22pm on Tuesday, September 29, 2026.

Tinubu comot from Abuja on August 30 go London, where he spend about one week before hin travel enter Paris, France. The Presidency later add more days to the trip after dem first announce say the working leave go last three weeks.

While him dey Paris, President Tinubu hold private meeting with French President Emmanuel Macron during one dinner session.

The President also meet with some international business leaders, wey include Vincent Bolloré, one of the top executives of the Bolloré Group, as part of discussions on investment and business opportunities.

According to the Presidency, Tinubu go remain for Lagos to take part in activities wey concern Nigeria 66th Independence Anniversary on October 1.

The President go also handle some official government work for Lagos before him return back to Abuja.

The return of the President end weeks of overseas engagements wey include meetings with foreign leaders and private sector investors.


FOR MORE TORI