President Bola Tinubu dey plan to travel go China for first week of September. E wan use di visit strengthen Nigeria economy and push Nigeria strategic interests through high-level meetings and engagements.

Ajuri Ngelale, Special Adviser to di President on Media and Publicity, talk this one during press briefing for di Presidential Villa for Abuja. E talk say President Tinubu go hold bilateral talks with Chinese President Xi Jinping, and dem go sign Memorandum of Understanding for areas like green economy, agriculture, communications, and satellite technology.

Our Correspondent, Raliat Adenekan, don report say President Tinubu go also attend di Forum on China-Africa Cooperation (FOCAC) summit and go talk on regional peace and security in im role as ECOWAS Chairman. According to di Presidential media aide, dis visit suppose bring significant benefits to Nigeria.

READ MORE RECENT NEWS HERE https://naija102.com/former-england-manager-sven-goran-eriksson-don-die-at-76-years-old/