President Tinubu don hail di Nigeria National Petroleum Company Limited (NNPCL) for di success wey dem achieve as di Port Harcourt refinery don resume petroleum product loading on Tuesday.

For one statement wey di Special Adviser to di President (Information & Strategy), Bayo Onanuga, release, Tinubu tok say former President Muhammadu Buhari play big role for di plan to repair all di refineries for di kontri.

Di president still thank African Export-Import Bank for di support and di money wey dem bring come for di project.

As di Port Harcourt refinery don start work, President Tinubu don tell NNPC Limited make dem quick reactivate di second Port Harcourt refinery, Warri, and Kaduna refineries.

READ MORE RECENT NEWS HERE https://naija102.com/national-assembly-don-dey-question-fg-about-di-loan-dem-request/