Iran’s Revolutionary Guards don talk say seven officers don die for one Israeli strike on top di Iranian consulate building for Syria’s capital, Damascus.

Brig-Gen Mohammad Reza Zahedi, one senior commander for di elite Quds Force, and Brig-Gen Mohammad Hadi Haji-Rahimi, im deputy, na some of di officers wey die for di attack.

Iran and Syria governments don condemn di attack, wey destroy one building next to di Iranian embassy.

Israeli military talk say dem no dey comment on top foreign media reports.

But, dem don admit say dem don carry out hundreds of strikes for recent years on top targets for Syria wey dem talk say dey linked to Iran and oda groups wey dey armed, funded, and trained by di Revolutionary Guards.