Kogi state governor, Yahaya Bello, don talk say dem try to assassinate am on Sunday evening. Statement wey di State Commissioner for Information and Communications, Kingsley Femi Fanwo, sign talk say some people wey wear military uniform block the Governor’s convoy and start to shoot at im vehicle and other cars for the convoy. Na di quick action of security personnel wey dey follow the Governor na im make dem stop the attack. The government dey talk say dem believe say some politicians wey dey desperate dey try to create insecurity for Kogi state to spoil things ahead of di Governorship Poll wey dey happen on November 11, 2023. Dem talk say dem go do everything to protect di safety of the citizens from any security threats wey these politicians wan cause.