Federal Government don talk say dem go continue to prioritize the wellbeing of Nigerians anywhere dem dey, and go make sure say dem safe at all times. Spokesperson for Ministry of Foreign Affairs, Eche Abu-Obe, give this assurance after reports say some Nigerians dey target for Libya, following CAF decision wey give Nigeria three points and three goals against Libya for how dem treat Nigerian team before Nations Cup Qualifying Match.
Abu-Obe talk say as at the time of the statement, Nigerians for Libya dey go about their daily activities without any wahala from Libyan authorities. But President of Nigerian community for Libya, Peter Omoregbie, say dem don start to arrest some Nigerians since Sunday night for some areas.
One popular Libyan news blog, Libya News Today 1, report say all Libyan TV channels dey call for government to arrest Nigerian workers wey no get proper documents or dey pay tax. Dem also talk say the $50,000 fine wey CAF give Libyan Football Federation suppose fall on undocumented Nigerians for Libya, or dem go face deportation if dem refuse.
READ MORE RECENT NEWS HERE https://naija102.com/tinubu-don-appoint-oluyede-as-acting-chief-of-army-staff/
