To help reduce the wahala wey people dey face for di country, Federal Government don plan to start National Credit Guarantee Company dis year. Dis company go expand ways wey banks and businesses fit share risk.
For him 2025 New Year message to Nigerians, President Tinubu talk say di move go also support local production of important medicine and medical supplies dis year.
Di President yarn say di company go start work before di end of second quarter for 2025, and e go work with Bank of Industry, Nigerian Consumer Credit Corporation, Nigerian Sovereign Investment Agency, Ministry of Finance Incorporated, and di private sector to make sure e work well.
Tinubu still promise say di government dey serious to bring inflation down from di current 34.6% to 15% by di end of 2025. E also assure Nigerians say di sacrifices wey dem don make for di past 19 months no waste at all.
READ MORE RECENT NEWS HERE https://naija102.com/president-bola-tinubu-don-approve-make-federal-university-dey-southern-kaduna/
