President Bola Ahmed Tinubu don remember how some people wey dey close to am no believe say e fit win the 2023 presidential election, say na determination, support from loyal allies and God grace keep am for the race till victory come.

Tinubu yarn the story while e dey reflect on im political journey, as e reveal one incident wey nearly make am abandon the presidential ambition.

According to the President, one person wey know am well visit im house around 3:30am during the campaign period to beg for N50,000 because food no dey for house.

Tinubu say after the man explain im problem, e begin question why Tinubu still dey pursue presidency when economic hardship dey bite Nigerians.

The man allegedly tell am say cash no dey circulate and many people dey suffer, before ending the discussion with:

“I no think say you go make am.”

Tinubu say after hin give the man the N50,000, e confidently reply:

“I go make am. When I make am and you come find work, I no go give you.”

The President say later he hear say the money eventually reach the relative wey the man carry am go meet.

Tinubu admit say the encounter touch am deeply and briefly shake im confidence.

According to am, the incident nearly make am drop the presidential ambition completely.

“I almost leave the idea of running and continuing the race,” Tinubu talk.

The President say some loyal political allies later encourage am to continue.

He specifically mention Ibrahim Masari, wey allegedly lead a group come assure am say Nigerians know am and believe in am.

According to Tinubu, that encouragement give am the strength wey e need to continue the journey.

“No look back. We know you and Nigerians know you,” Tinubu quote Masari as saying.

Tinubu also thank God for im eventual victory, say without divine favour and grace, the journey for presidency no for succeed.

He describe Nigeria as a great nation and express appreciation to everybody wey support am along the way.