Governor Rev. Fr. Hyacinth Alia of Benue State don announce N10 million reward for anybody wey go fit arrest di people wey do di recent attack on Solomon Wombo, wey be member of di House of Representatives wey dey represent Katsina-Ala/Ukum/Logo federal constituency.

Di incident happen wen gunmen enter di private house of di House of Representatives member for Katsina-Ala, and dem wound im housekeeper for di process.

For one statement wey di Chief Press Secretary to di governor, Kula Tersoo release, di governor talk say im administration dey determined to flush out criminals from di state, and im beg di public make dem provide any information wey fit lead to di arrest of di people wey do di attack.