The Senate, through its committee on Banking, Insurance, and other Financial Institutions, don summon the Governor of Central Bank of Nigeria (CBN), Olayemi Cardoso make e appear before dem.

Sen. Adetokunbo Abiru, wey be the Chairman of the Committee, talk this one after one closed-door session with journalists for Abuja on Wednesday.

Abiru talk say the CBN Governor go need explain the state of the economy and how Naira dey flow for the forex market to the Senate.

For anoda matter, the Nigerian Senate don resolve again to summon all the SECURITY CHIEFS for one interactive session about the increase in kidnapping, terrorism, banditry, armed robbery, killings, and other criminal activities wey dey happen for the country.

The Senate President, Godswill Akpabio, wey also direct the Service Chiefs to show face for the legislative chamber next week, talk say this time around, the National Assembly go work well well with the executive arm of government.