Ryan Garcia don deny say he take performance-enhancing steroids afta im test positive for banned substance before im win over Devin Haney.

Sanctioning body WBC confirm say dem don receive notification from Voluntary Anti-Doping Association (Vada) say Garcia get “adverse findings for ostarine” for tests wey dem take for April.

Dem say dem collect di samples one day before and di day wey Garcia win Haney for April, but di result show up later.

Garcia get 10 days to request make dem test im B sample.