President Bola Tinubu don talk say make dem quickly review global taxation, as e believe say na one sustainable way to balance the international tax system.

Tinubu yan dis one when e dey talk with other leaders for the third South Summit of the Group of 77 and China, wey start for Sunday for Kampala, the capital of Uganda. The summit theme na ‘Leaving No One Behind.’

E talk say the current international tax system, wey mostly dey follow the interest of big and rich countries, dey disadvantage developing countries, especially when e reach to tax digital economies.

President Bola Tinubu talk say the systemic imbalance for the international tax system don make developing countries lose plenty money, and this dey affect their efforts to achieve sustainable development and economic self-reliance. Tinubu yan this one through the Minister of Budget and Economic Planning, Abubakar Bagudu, who represent am for the matter.

The Director of Information for the ministry, Mrs Folasade Boriowo, talk dis one for one statement on Sunday wey dem title ‘President Tinubu calls for review of the global tax system, affirms commitment to multilateralism.’

Tinubu come talk say Nigeria still dey believe and dey committed to multilateralism to solve global challenges, and say international taxation don become one major issue wey dey affect developing countries.