Nottingham Forest don collect punishment of four points sake of say dem violate Premier League profit and sustainability rules.

An independent panel don decide say Forest financial losses reach pass the £61 million threshold by £34.5 million for the 2022-23 season.

As dem don deduct the points sharp-sharp, Nottingham Forest don drop below Luton Town for the Premier League table, wey put dem inside relegation zone.

Forest don become the second team for top flight wey chop punishment for breaking profit and sustainability rules, after Everton chop 10 points deduction for November, wey later dem reduce to six points after dem appeal.