Nigeria’s football club representatives for the continental tournaments don discover dia opponents for di preliminary rounds, after dem do draw ceremony for CAF headquarters for Cairo, Egypt.

For di preliminary round of di CAF Champions League, Rangers International go play against US Zilimadjou of Comoros. If dem win, dem go play di winner between St Louis of Mauritius and Angola’s GDSE for di second preliminary round.

Remo Stars go face AS FAR of Morocco for di first round. If dem fit scale through, dem go play either Sudan’s El Merreikh or di representative from Libya for di second preliminary round.

For di CAF Confederation Cup, El-Kanemi Warriors of Maiduguri go start dia campaign against Beninoise outfit, Dadje FC. If dem advance, dem go face former champions, RS Berkane of Morocco for di second preliminary round. Enyimba wey dem give bye for di first round go play di winner between Guinea’s Haifa FC and Rahimo of Burkina Faso for di second preliminary round.

Di first leg of di matches go play between 16-18 August, 2024, while di second leg go hold between 23-25 August, 2024.

For more news https://naija102.com/