Nigeria Government and German counterpart don sign two Memoranda of Understanding (MoU) wey concern gas supply from Nigeria to Germany and anoda one wey involve $500 million for renewable energy projects for Nigeria. As President Bola Tinubu yan for Berlin, during di 10th German-Nigerian Business Forum, e talk say make more investors waka come put hand for different sectors for Nigeria economy. E assure German businesses say with Nigeria political stability, foreign investments go dey secure for di country. Raliat Adenekan yan say Riverside LNG of Nigeria and Johannes Schuetze Energy Import AG of Germany sign di MoU for gas export, while Union Bank of Nigeria and DWS Group sign di one wey involve renewable energy.