The military high command don deny say dem receive any request to overthrow di democratic system of government for di country. Before before, di Defence Headquarters bin dey vex for comments wey dey ask di Armed Forces to interfere for di democratic process for di country based on allegations say di welfare of di troops across di services no dey okay. But on Sunday, di DHQ for one statement wey Brig. Gen. Tukur Gusau, wey be di Director of Defence Information, sign, don make am clear say di military neva receive any request to take over di government for di country.

E talk say di social media tori wey dey spread na lie and e dey disturb peace. E still talk say di security operatives don launch operation find those wey dey behind di tori.