Lagos State Government don announce say dem go reduce the cost of transportation for all state-owned transport systems by fifty percent. Dem also promise to give “FOOD ITEMS” to the people wey dey vulnerable for the state, to help dem manage the difficult economic situation wey the Subsidy removal policy of the federal government don bring.

Governor Babajide Sanwo-Olu talk for one news conference after the State Security meeting today, say dem don arrange things for the informal transportation sector, especially the yellow buses, to reduce their charges by twenty-five percent. Correspondent Godfrey Gabriel talk say the fifty percent reduction for transportation costs by the government go start from Wednesday, August 2nd according to the governor.