A cult leader for Kenya, Paul Nthenge Mackenzie, don waka go court to face charges of murder for di killing of 191 children, afta police find over 400 dead bodies wey dey buried for shallow graves for one remote forest for di east side of di country.

Dem accuse Paul Mackenzie of running one doomsday cult, and survivors and families of victims talk say im encourage im followers to dey fast so dem go “go see Jesus”.

Im and 29 other people don deny di charges wey dem carry come for court for di coastal town of Malindi. Dem don charge Mackenzie before say im commit acts of terror, child cruelty, and torture, and im don deny all of dem. Im trial go start on March 7.