Federal Government don handcuff ASUU after dem “register” TWO UNIONS for the university system.

The Minister of Labour and Productivity, Chris Ngige, wey explain say the two new unions wey be the National Association of Medical and Dental Academics (NAMDA) and the Congress of Nigerian University Academics (CONUA), go dey side-by-side with ASUU, come even add jara say the two associations go enjoy the same rights and privilege wey other academic unions for the tertiary education system dey enjoy.

ASUU don dey strike since Valentine day, February 14, as lecturers of public universities dey protest “igbese wey government dey owe dem” and also demand “better welfare package too.

Meanwhile, ASUU don respond to the recent government registration of two new trade unions for academic staff for university system, as e say dat one no shake dem at all at all.

Dia National Presido, Prof. Emmanuel Osodeke, tok say dat move no get levuls as dat move no fear dem.

He claim say ASUU members no be saboteurs or eye-service pipo, say dia members sabi dia vision and mission.

Dem repeat wetin oga Presido Muhammadu Buhari been tok say the competition for money don dey tougher because of the recent increase for the number of tertiary institutions for Nigeria.

Dem say na Minister of State for Education, Emeka Nwajiuba wey represent oga Presido for the ceremony, n aim yarn so on Saturday, October 01, 2022, for the 49th convocation ceremony of the University of Nigeria, Nsukka, where he tok say the financial situation dey worse becos of the global economy wey fall down, wey also affect the national revenue.

Buhari tok say im his administration dey committed to answer the needs of tertiary institutions through budget allocations to the Tertiary Education Trust Fund (TETFUND).