After di gas explosion wey happen for Abeokuta wey claim one life last week, di Federal Government don talk say dem go stop to dey give licences to gas companies wey no get capacity to build pipelines for gas distribution.

Di Minister of State For Petroleum Resources (Gas), Ekperikpe Ekpo, yarn dis one when he visit Abeokuta to assess di CNG explosion wey happen for Ita Oshin.

Ekperikpe Ekpo talk say di situation don dey very important make dem stop di transportation of compressed natural gas through di roads.

Di gas minister talk say dem need to stop di virtual gas transportation, and di Federal Government dey make serious effort to build pipelines wey go make transmission of CNG easy.