The Federal Government of Nigeria don express sadness over the announcement wey the Military authority for the Republic of Niger make, wey talk say Burkina Faso, Mali, and Niger don waka commot from the Economic Community of West African States (ECOWAS).

For one statement on Monday, one spokesperson for the Ministry of Foreign Affairs, Francisca Omayuli, talk say Nigeria dey open to engage with the three countries, but e still dey stand with ECOWAS to talk say make dem follow due process and maintain commitment to protect and strengthen the rights and welfare of all citizens for Member States.

The three countries, wey dey under military rule for now, yan say dem no dey ECOWAS again because the regional body don waka comot from the ideas wey dem founding fathers get and pan-Africanism.

The regimes don get tough relationship with ECOWAS since coups happen for Niger for July last year, Burkina Faso for 2022, and Mali for 2020.