Borussia Dortmund don reach dia first Champions League semi-final for 11 years afta dem produce one superb second-half comeback to beat Atletico Madrid 5-4 on aggregate.

Dem bin lose di first leg 2-1 for Madrid, but Dortmund quick quickly turn things around with Julian Brandt and Chelsea loanee Ian Maatsen both score from tight angles for di first half.

Dortmund never reach di last four of Champions League since wen dem finish as runners-up for 2012-13.

Dis na di fourth time wey di German club don advance pass di quarter-finals.

For anoda side, Kylian Mbappe score twice as Paris St-Germain trash Barcelona to overturn dia 3-2 first-leg deficit.

PSG don now reach di last four for di first time since 2021, and dem go face Borussia Dortmund.