The Armed Forces of Nigeria don confirm say collaboration with local authorities and government agencies across di kontri lead to di rescue of 137 pupils of LEA School Kuriga for Chikun Local Government Area of Kaduna State.

Di Director Defence Media Operations, Maj. Gen. Edward Buba, for one statement reveal say di victims wey include 76 females and 61 males, dey rescued for di early hours of Sunday, March 24, 2024.

E say dem rescue di hostages for Zamfara State and dem go convey and hand dem over to di Kaduna State Government for further action.

Relatedly, e go be remembered say on March 21, 2024, troops still rescue 16 Almajiri pupils with one woman wey dem carry hostage for Gada Local Government Area of Sokoto State. And afta dem rescue di hostages, dem hand dem over to di Sokoto State Government.