Di Nigerian Air Force (NAF) don talk say dem air part of Operation Delta Safe and Operation Hadin Kai don carry out successful air missions to scatter some illegal refining sites and terrorists hideouts for Niger Delta and North East regions.

Di Director of Public Relations and Information, Air Commodore Edward Gabkwet, talk for one statement on Sunday, say di air missions dey part of dia ongoing efforts to control di activities of terrorists, militants, and oda criminals wey wan shake di kontri and dey make life hard for peaceful Nigerians. Gabkwet talk say dem also engage and destroy one Cotonou boat wey dem see say e carry illegal refined products and dey go open waters for Gogokori.

According to am, NAF aircraft dem still dey achieve di desired results as dem dey stop non-state actors from dey do dia bad things anyhow.