The United States don approve plans to carry out series of attacks for places wey get Iranian presence for Syria and Iraq.

Dem talk say the attacks go happen over some days, and say weather condition fit determine when dem go launch am. This decision come after one drone attack wey happen for Jordan kill three US soldiers wey dey close to the Syrian border on Sunday.

The US come talk say na one Iranian-backed militia group, wey dem call Islamic Resistance in Iraq, cause the attack.

US intelligence believe say the drone wey dem use for the attack, Iran manufacture am, and e resemble the ones wey Iran dey send go Russia for their invasion of Ukraine.

Meanwhile, Iran talk say dem no get hand for the attack wey injure 41 other US soldiers for the military base, wey dem dey call Tower 22.