President Bola Tinubu don give direct order to Nigerian military make dem enter ground well-well face Boko Haram, bandits, separatist people and other criminal gangs wey dey disturb Nigeria peace and unity.

He talk say na time to crush all dis criminals be dis.

Na for Kaduna State, during the grand finale of Nigerian Army Day 2025 celebration, Tinubu (wey VP Kashim Shettima represent), yan say im government go continue to support soldiers and officers with better welfare.

He promise say dem go invest more for modern equipment, correct intelligence network, and also build the human capacity of the armed forces.

He also tell all the soldiers say make dem dey professional, bold, disciplined and honourable for how dem dey do their job – all in line with the Nigerian Constitution and better practice across the world.