Nigeria Super Falcons don begin dia mission to win 10th Women’s Africa Cup of Nations (WAFCON) title with 3-0 win against Tunisia for Casablanca.

Former Barcelona striker Asisat Oshoala score the first goal just 4 minutes into the match.

Rinsola Babajide come add another goal for first-half extra time.

The third goal come from Chinwendu Ihezuo wey score after she collect sweet cross from Ashleigh Plumptre with just six minutes remaining.

This win put Nigeria for top of Group B ahead of Algeria wey beat Botswana 1-0.

Next match, Nigeria go face Botswana on Thursday, while Tunisia go try get dia first point against Algeria that same day.