President Bola Tinubu don talk say di federal government go focus on developing di digital economy to help empower youths and create jobs.
Di President make dis promise as im receive one report wey dem title “Digital Economy, Youth Empowerment and Sustainable Job Creation in Nigeria: Issues, Challenges and Opportunities,”wey participants of di Senior Executive Course 46 from National Institute for Policy and Strategic Studies (NIPSS), Kuru present give am.
For dia eight-point recommendation, di course participants advise di Federal Government make dem fast-track di Digital Economy and e-Governance Bill 2024 and make di President sign Executive Order wey go mandate all MDAs to move go OneGov.ng portal.
Our correspondent, Raliat Adenekan, report say di Director-General of NIPSS, Prof. Ayo Omotayo, talk say one of di recommendations wey dem submit na make government adopt Quintuple-Helix Model to boost digital economy, youth empowerment, and sustainable job creation.
READ MORE RECENT NEWS HERE https://naija102.com/osun-government-don-inaugurate-30-newly-elected-local-government-chairmen/
