NJC don recommend di appointment of 11 justices give di Supreme Court. Di apex court Director of Information, Soji Oye, talk say dis recommendation happen for di 104th meeting of di Council for Abuja wey dem hold on Wednesday. Dem go swear in di recommended candidates afta President Bola Tinubu approve and Senate confirm dia appointment. Dis go make di apex court get di complete 21 justices as di Constitution talk.