Nigerian superstar Asake don delight im fans with di announcement of one new album wey go drop later for di year.

Di Grammy-nominated star make di announcement via im social media handle and drop di dates for im upcoming “Lungu Boy World Tour”.

Asake’s upcoming album go be im third album in 3 years afta e release im award-winning debut album ‘Mr. Money With The Vibes’ for 2022 and im successful sophomore ‘Work of Art’ for 2023.

Meanwhile, Asake go start im world tour on July 29, with stops for Europe, America, and Australia, wey go see am headline some notable Arena for di United States including the Capital One Arena for Washington DC, State Farm Arena for Atlanta, Toyota Centre for Houston, and di famous Madison Square Garden for New York.

For more news https://naija102.com/blog/