Niger’s leader wey dey on top the coup wey happun don promise say e go return the West African country to civilian rule inside three years.

Gen Abdourahamane Tchiani make this announcement after e meet mediators from the West African regional bloc Ecowas for the capital, Niamey.

Ecowas bin don threaten military action to overturn the overthrow wey happun last month wey remove President Mohamed Bazoum, if talks no work.

The leader of the junta talk say Niger no wan war, but dem go defend themselves if any foreign intervention show face.

Gen Tchiani still talk again say e no dey happy with the sanctions wey Ecowas put on top the country wey e call “illegal and inhumane”. The sanctions include blackout for Niamey and other big cities sake of dem cut electricity, and dem stop important goods from entering.

However, the Economic Community of West African States (ECOWAS) don reject the three-year plan wey Niger Republic military junta wan follow transit power. The ECOWAS commissioner for political affairs, peace, and security, Abdel-Fatau Musah, yan this one for interview with BBC.