Report talk say the Saudi Arabia Al Nassr club go show the Portuguese superstar Cristiano Ronaldo to thousands of fans on Tuesday, after dem close one shock move wey pipo dey think say go be more dan 200 million euros.

The club spokesman, Al- Walid- Al-Muhaidib yarn us say the 37-year-old great, one five-time winner of the Ballon d’Or, go enter late on Monday with him family together with media and engineering workers.

Ronaldo, wey comot Manchester United under one cloud after e slam the club for one television talk-talk, go show face for the Al Nassr 25,000-space Mrsool Park stadium for Riyadh for 7pm on Tuesday. Ronaldo sign go dey till June 2025 and na the latest push wey oil-rich Saudi dey do inside top-level sports, wey don tiapulate enter Formula One, boxing and golf and dem don break up English club Newcastle United.