One woman wey dey the middle of R. Kelly second federal trial don testify say the R&B singer been sleep with her “hundreds” of times before she even turn 18 years.

The 37-year-old woman, wey her name na “Jane”, tok say the improper contact with Kelly start when she be just 13 years old.

R. Kelly, wey him full name na Robert Sylvester Kelly, dey face 13 criminal charge including creating and receiving child pornography, obstruction of justice and tempting of small small pikins into sexual activity.

The singer dey on trial for Chicago for child pornography, obstruction of justice and other charges, while him lawyers insist say he no be monster and say he deserve fair trial.

He already dey serve 30-years prison sentence after dem convict am of sex trafficking and racketing for anoda separate trial wey dem do for New York last year