Minista of Interior, Olubunmi Tunji-Ojo, don confam say di automation process for passport application go start on January 8, 2024. Di minister bin yarn for December say Federal Government dey work to make sure say dem fully automate di passport application for di country. E talk say di automated system dey “99% done,” and e go include uploading passport photos and supporting documents. Ojo, wey dey inspect Nigeria Immigration Service facilities for Abuja with di Comptroller General, Wura-Ola Adepoju, yan say Nigerians fit apply and finish dia passport application online without human contact.