Di Federal Government don talk say dem go introduce di lifesaving human papillomavirus (HPV) vaccine to help women prevent cervical cancer from September 25, 2023.

As dem dey talk dis mata during di Bi-Annual Review Meeting of Religious Leaders on Primary Health Care (PHC) Delivery, di Executive Director and Chief Executive Officer (CEO) of di National Primary Health Care Development Agency (NPHCDA), Dr. Faisal Shuaib, talk say dem go give di HPV vaccine to girls wey dey between di ages of 9 and 15 years so dat dem no go get cervical cancer. E still come talk say make religious leaders – both Christians and Muslims – help spread di information about di free HPV vaccines for their followers dem.