Central Bank of Nigeria (CBN) don warn Nigerians make dem no fall for fraudsters wey dey claim say dem get contract award letters or special financial interventions wey dem link to di bank.

For one statement wey Mrs. Hakama Ali, Acting Director of Corporate Communications, release, di apex bank talk say all dis kain claims na scam. She remind di public say di CBN, under di current management, no dey do direct development interventions or special project funding again.

She still clarify say di bank no issue any public notice or give permission for announcements about dis kain interventions for social media or any other media platform.

READ MORE RECENT NEWS HERE https://naija102.com/federal-government-don-launch-national-assets-protection-council/