Algeria don ban di popular Barbie film three weeks afta e enta di mainly Muslim North African nation. Di culture ministry don tell cinemas make dem comot di Hollywood blockbuster sharp-sharp. Dem talk sey di film dey promote homosexuality and e no dey follow Algeria religious and cultural beliefs, according to official wey tell Reuters news agency. Reports talk sey cinemas for cities like Algiers, Oran, and Constantine don full with pipo dey watch di film.