One suicide bomber don kill at least 44 people for one political rally for Pakistan. People dey shout for help as rescuers rush go the scene for north-west Bajaur district on Sunday, according to the rally organiser Imran Mahir. The attack na against the Jamiat Ulema-e-Islam-Fazl (JUI-F), one party wey dey part of the government coalition. The local branch of the Islamic State (IS) group for Pakistan don claim responsibility for the bombing, and dem name the man wey do am as Abdullah Muhajir. The group wey dem dey call Islamic State Khorasan (ISKP) talk say the attack na part of the ongoing war against democracy.