The US Secretary of State, Anthony Blinken, don talk say American companies dey ready to partner with and invest for the Nigerian economy.

Blinken, wey dey on African tour, yan dis one for Abuja during im visit to President Bola Tinubu for the Presidential Villa.

E talk say tech giants don join hands with Nigerian partners to support President Bola Tinubu’s one million digital jobs initiative and to promote Nigeria’s next start-ups.

Venture capital companies dey work to finance these start-ups.

Blinken still talk say, for Nigeria to attract foreign investments, e go dey important to address corruption and make am easy for companies to repatriate capital.

Tinubu, wey enter office for May, don dey make moves wey include stopping fuel subsidy and freeing up the naira currency, wey investors don dey hail. Blinken talk say, even if the impacts of these reforms fit dey tough for the people, US go still support Nigeria to ease the effects.