U.S. President Donald Trump don talk say im wan change one visa program wey dey for foreign investors go one kind “gold card” wey people fit buy for $5 million to take get American citizenship.

Trump tell reporters say im go replace di “EB-5” immigrant investor visa program, wey dey allow foreign investors wey fit put big money wey go create or keep U.S. jobs to become permanent residents, with di “gold card.” E still add say di full details of di plan go come out for two weeks.

Di EB-5 program dey give “green card” to foreigners wey gree invest for U.S. business.

When one journalist ask am whether Russian oligarchs fit qualify for di gold card, Trump say e possible. “Yeah, possibly. Hey. I know some Russian oligarchs wey be very nice people,” im talk.

READ MORE RECENT NEWS HERE https://naija102.com/federal-government-don-launch-artificial-intelligence-ai-training-programme-for-teachers/