The South East Governors’ Forum don condemn the attack wey happen Thursday morning wey leave two Soldiers dead for checkpoint for Aba, Abia state.

The attack wey happen for Obikabia junction for Aba, na suspected members of the proscribed Indigenous People of Biafra (IPOB) carry am out, as dem try enforce the sit-at-home directive wey dem give to commemorate Biafra Day.

As him dey address newsmen for Owerri yesterday, Chairman of the Forum, and Imo governor, Sen. Hope Uzodimma, describe the attack as “unfortunate” and say na major setback to the peace process wey the governors from the zone dey pursue with the Federal Government. Him believe say the incident go also make people for the south east dey see dem in bad light.

The governor don send condolence to the Chief of Army Staff and the families of the soldiers wey lose their lives for the unfortunate incident. Him task security agencies to ensure say dem catch and prosecute the people wey dey behind the wicked act.

For more news https://naija102.com/blog/