South Africa don postpone dia national budget presentation yesterday because of kasala wey burst for di coalition government.

National Assembly Speaker, Thoko Didiza, tell lawmakers say this kind postponement no don ever happen for di past 30 years.

Di ruling African National Congress (ANC), wey lose dia majority for parliament last year, need support from coalition partners to pass di budget. But dia main ally, Democratic Alliance (DA), no gree for di ANC plan to increase value-added tax (VAT) by two percent, wey dem wan use take cover shortage for education and social programmes.

Di postponement shake di financial market as di South African rand drop 1% against di US dollar. Di budget go now show face for parliament on March 12.

READ MORE RECENT NEWS HERE https://naija102.com/nigeria-don-hit-record-5543-megawatts-mw-for-power-generation/