Senate President, Godswill Akpabio don deny allegation of sexual harassment wey Senator Natasha Akpoti-Uduaghan (Kogi Central) carry go court.

For plenary session yesterday, Akpabio talk say e always get high respect for women, plus during e time as governor, dem even crown am Most Gender-Friendly Governor for Nigeria. E beg public make dem wait for court decision on di mata.

Our correspondent, Raliat Adenekan, report say Senator Natasha still officially submit petition against di Senate President give di Upper Chamber. Dem don refer di mata go Senate Committee on Ethics, Privileges, and Code of Conduct for sharp-sharp review.

Even though Senate Chief Whip, Mohammed Monguno, bin advise make Senate reject di petition because di mata dey court, Senator Natasha clarify say di one wey dey court na defamation case wey involve Akpabio aide, wey talk say she no dress well for plenary.

READ MORE RECENT NEWS HERE https://naija102.com/federal-government-don-launch-new-revenue-platform-say-dem-go-put-remita-inside/