President Bola Ahmed Tinubu don talk say im get plan to set up State Police for Nigeria to fight insecurity, and im assure Nigerians say better days dey come.
As im dey talk for Inter-Faith dinner wey im hold with governors for Monday night for Presidential Villa for Abuja, President Tinubu say security matter serious well well and government must take strong action to solve the wahala wey dey ground. Im say, “To those wey no get work, wetin I promise be say we go establish State Police to combat securities.”
President Tinubu praise the governors for the work wey dem dey do for their different states, but im still tell dem say make dem do more to provide important services for the people.
Mr President still talk say e important to empower Local Government and make dem give local governments more freedom to operate on their own.
Earlier, Imo State Governor, Hope Uzodinma, wey represent the Nigeria Governors’ Forum Chairman, thank President Tinubu for bringing unity to the country despite religious and ethnic tension, as dem gather do interfaith breaking of fast. Im talk say the meeting na God arrange am.
Vice President Kashim Shettima, Chief of Staff to the President Femi Gbajabiamila, governors, some deputy governors and plenty cabinet members sef show face for the event.
