Super Eagles coach, Jose Peseiro, don yarn say e no dey think about South Africa’s penalty-saving specialist, Ronwen Williams, ahead of di Africa Cup of Nations semifinal match wey go happen on Wednesday between Super Eagles and Bafana Bafana.

Di Mamelodi Sundowns goalkeeper make history as di first goalkeeper wey save four penalties for one AFCON shootout as South Africa beat Cape Verde to qualify for di semifinal wey go happen between dem and Nigeria.

Peseiro talk say im game plan go dey based on how to handle di whole South Africa team and no just one player.

But di Portuguese coach agree say e go dey difficult for Super Eagles to play against South Africa wey never concede for dia last four games.