Police authorities for Imo State don arrest the SUSPECTED KILLERS of one Divisional Police Officer and one Inspector for Ahiazu Mbaise Local Government Area of di state. Commissioner of Police, Danjuma Aboki, talk say police and oda security operatives don put plenty effort to catch di killers of di police officers. Aboki yan say dem invade di camp of Indigenous People of Biafra/Eastern Security Network for Umuohie for Ngor Okpala LGA of di state. E talk say dem dislodge plenty terrorists and recover arms and ammunition. Commissioner talk say dem also arrest oda criminals wey dey involved for different cases like IPOB/ESN terrorism activities, armed robbery, murder, stealing/receiving stolen properties, cultism, and unlawful possession of firearms and ammunition.