Nigeria don record 80 people wey don die from 413 confirmed Lassa fever cases across 11 states for Epidemiological Week 6 (Feb. 3–9, 2025).
Na Nigeria Centre for Disease Control and Prevention (NCDC) talk dis one for their official website. Dem say case fatality rate (CFR) don rise reach 19.4 per cent, wey be increase from 17.5 per cent for di same period for 2024. Di age group wey e affect pass na people wey dey between 21 to 30 years.
Di latest Lassa Fever Situation Report show say 73 per cent of di confirmed cases come from Ondo, Edo, and Bauchi states. Ondo carry first with 34 per cent, Edo get 21 per cent, and Bauchi follow with 18 per cent.
NCDC point out say poor health-seeking behaviour, high treatment cost, and low awareness for di communities wey dey suffer pass na di major wahala. Dem advise Nigerians make dem take preventive measures like: Keep proper hygiene, no near anywhere wey rat poo dey, quick go hospital if fever, sore throat, or bleeding wey no get explanation show.
READ MORE RECENT NEWS HERE https://naija102.com/cbn-still-keep-nigeria-interest-rate-at-27-5-even-though-inflation-don-drop/
